“Федераль дәүләт белем бирү стандартларын гамәлгә ашыру шартларында милли тәрбия” темасына төбәкара фәнни-гамәли семинары үтте

 

1361_854848Актаныш беренче урта гомуми белем бирү мәктәбендә “Федераль дәүләт  белем бирү стандартларын гамәлгә ашыру шартларында милли тәрбия” темасына  үткәрелгән татар теле һәм әдәбияты укытучыларының төбәкара фәнни-гамәли семинарында Мөслим районы татар  теле һәм әдәбияты укытучылары да катнашты. Әмәкәй төп гомуми белем бирү мәктәбеннән Резида Шамсова, Гөлнара Хәкимова, Күбәк урта  гомуми белем бирү мәктәбеннән Дилбәр Гарифуллина, Баек төп гомуми белем бирү мәктәбеннән  Лира Латыйпова, Гөлнара Садриева, Мари Бүләр  төп гомуми белем бирү мәктәбеннән  Зилә Шәйхуллина, Лилия Гыйлфанова   чыгыш ясадылар, ачык дәресләр, мастер-класслар карадылар. Укытучыларыбызның бу темага багышланган фәнни-тикшеренү эшләре, мәкаләләре шушы семинар кысаларында бастырылып чыгарылган “Милли мәгариф — миллләт киләчәге” дигән методик кулланмада дөнья күрде.

Сарман районы Җәлил бистәсендә Р.Кәраминең 75 яшьлек юбилее уңаеннан Кәрами укуларында Мөслим районы укучылары катнаштылар

 

1361_854895Сарман районы Җәлил бистәсендә Р.Кәраминең 75 яшьлек юбилее уңаеннан Кәрами укулары булып узды. Бу чарада Вәрәшбаш төп гомуми белем бирү мәктәбеннән Раил Баһауов 2 нче дәрәҗәдәге диплом, Тат.Бүләр урта гомуми белем бирү мәктәбеннән Әдилә Нәҗмиева 3 нче дәрәҗәдәге диплом, Түбән Табын төп гомуми белем бирү мәктәбеннән Сөмбел Шакирова сертификат белән бүләкләнделәр.

V республика фәнни-гамәли конференциясендә

 

1361_855220Татарстан Республикасы мәгариф һәм фән министрлыгы Муса Җәлил исемендәге Минзәлә педагогия көллияте милли кадрлар әзерләү үзәгендә “Без тумыштан Туган телгә гашыйк, Туган җиргә гашыйк күптәннән” исемле Халыкара Туган тел көненә һәм каһарман шагыйрь    Муса  Җәлилнең тууына  111 ел тулуга багашланган V республика фәнни-гамәли конференциясе узды. Конференциядә районның  татар теле  һәм әдәбияты укытучылары Гөлшат Якупова (Баланны төп мәктәбе) I Дәрәҗә  диплом, Илсөя Шарипова  (Т.Табын интернат мәктәбе) II Дәрәҗә диплом, Миләүшә Әмирова (Т.Табын төп мәктәбе) Зөлфия Вәлиева (Т.Табын интернат мәктәбе), Рушания Дәүләтова (Тойгелде төп мәктәбе) катнашучы дипломнары белән бүләкләнделәр.

Татар теле һәм әдәбияты укытучыларының районара семинары узды

 

20 нче февраль көнне Г.Тукай исемендәге Мөслим урта гомуми белем бирү мәктәбе базасында “Критик фикерләү сәләтен үстерү аша әдәбият дәресләрен укытуда нәтиҗәлелеккә ирешү юллары” дигән темага татар теле һәм әдәбияты укытучыларының районара семинары узды. Семинарда база мәктәбенә караган Р.Шуган, О.Чакмак төп гомуми белем бирү мәктәбе һәм Г.Тукай исемендә Мөслим урта мәктәбенең татар теле һәм әдәбияты укытучылары Җәлилова Г.И., Даутова Г.М., Ханов Р., һәм ачык дәресләр, мастер-класслар күрсәттеләр. Шулай ук мәктәпнең фольклор ансамбле милли гореф-гадәтләребезне яктырткан балага исем кушу йоласын күрсәтте.

Сарман муниципаль районыннан килгән бер төркем татар теле һәм әдәбияты укытучылары “Түгәрәк өстәл”  артында сөйләшүдә үз тәҗрибәләре белән уртаклаштылар, тәкъдимнәрен җиткерделәр.

«Ел укытучысы — 2017″ конкурсының зона этабы үтте

 

13373188-9 февральдә Мөслим гимназиясе базасында «Ел укытучысы» Бөтенроссия бәйгесенең зона этабы үткәрелде. Бәйгедә Татарстан Республикасының 6 районыннан (Мөслим, Зәй, Актаныш, Түбән Кама, Сарман, Минзәлә) килгән мөгаллимнәр дәрес һәм мастер-класслар күрсәтте. Районыбыз данын Г.Тукай исемендәге Мөслим урта мәктәбенең татар теле һәм әдәбияты укытучысы Җәлилова Г.И., Мөслим лицееның биология укытучысы Миторофанова А.К., Мөслим гимназиясенең инглиз теле укытучысы Кадыйрова Р.Г., Г.Тукай исемендәге Мөслим урта мәктәбенең тарих һәм җәмгыять белеме укытучысы Әсәдуллина Й.Р. яклады. Нәтиҗәләр 25 февральдә билгеле булачак.

«Ел укытучысы — 2017″ һөнәри бәйгесенең муниципаль этабы нәтиҗәләре билгеле

 

1331607“Ел укытучысы – 2017” конкурсының муниципаль турының  нәтиҗәләре билгеле булды. Бәйгенең җиңүчесе булып Г. Тукай исемендәге Мөслим урта мәктәбенең татар теле һәм әдәбияты укытучысы Җәлилова Г.И. танылды.  Икенче урынга – Мөслим лицееның биология укытучысы Миторофанова А.К., өченче урынга — Мөслим гимназиясенең инглиз теле укытучысы Кадыйрова Р.Г., дүртенче урынга  Г. Тукай исемендәге Мөслим урта мәктәбенең тарих һәм җәмгыять белеме укытучысы Әсәдуллина Й.Р. лаек булдылар. Алар Мөслим гимназия базасында 8 — 9 нчы февраль көннәрендә узачак зона этабында районыбыз данын яклаячак.

XIV Республика Ризаэтдин Фәхретддин укуларында

 

27 нче гыйнвар көнне Чаллы шәһәрендә  XIV Республика Ризаэтдин Фәхретддин укулары булып узды. Ул укуларда безнең районнан финалга үткән  4 укытучы: Тойгелде төп гомуми белем бирү мәктәбеннән татар теле һәм әдәбияты укытучысы Давлетова Раушания Фатиховна, Олы Чакмак төп гомуми белем бирү мәктәбенең татар теле һәм әдәбияты укытучысы Әюпова Инзилә Шогаеповна, Күбәк урта гомуми белем бирү мәктәбенең татар теле һәм әдәбияты укытучысы Нәҗмиева Гөлнар Фатиховна һәм Түбән Табын  төп гомуми белем бирү мәктәбенең тарих һәм җәмгыять белеме укытучысы Әхмәтвәлиева Рәсилә Миңнемөхәммәт кызлары катнаштылар. Алар һәрберсе билгеләнгән секцияләрдә чыгыш ясап җиңүчеләр булдылар һәм Татарстан Республикасы Мәгариф һәм фән министрлыгының Дипломнары белән бүләкләнделәр.