13нче май көнне Актаныш “Сәләтле балалар  гимназиясе”ндә республикакүләм “Гамил Афзaл укулары” үтте. Бу укуларда татар теле, инглиз теле, биология, математика укытучылары катнашты. Укытучылар 8 секциягә бүленеп эшләделәр. Үз секцияләрендә Әмәкәй мәктәбеннән – Шамсова Р.,  гимназиядән – Мирзамуратова  Г., Кадыйрова Р., Вәрәшбаштан Яхина Л. дипломант булдылар.   Баланныдан – Якупова Г., гимназиядән – Шәнгәрәева З., Миннегалиева Л. һәм Бариева Л. икенче урынга лаек булдылар.

1 май көнне район күләмендә Мөслим урта гомуми белем бирү мәктәбенә Габдулла Тукай исеме бирү тантанасы узды. Тантанада район башлыгы Муллин Р.Х., халык язучысы, Г.Тукай исемендәге Дәүләт премиясе лауреаты Садриев Ф.М., районның Иҗтимагый Совет рәисе Йосыпов М.Ш.,  ветеран укытучылар, оешма-предприятие вәкилләре катнашты.

Мөслим урта гомуми белем бирү мәктәбе укытучылар һәм укучылар коллективына Татарстан Республикасы Премьер-министры урынбасары, мәгариф һәм фән министры Э.Н. Фәттаховның  Мөслим гомуми белем бирү мәктәбенә Габдулла Тукай исеме бирү тантанасына котлавы.

26 нчы апрель көнне Мөслим авылының Пушкин паркында Габдулла Тукайның  130 еллык юбилее уңаеннан  “Тукай – безнең күңелләрдә”  исемле бәйрәм уздырылды. Әлеге чарада  Мөслим лицее укучылары “Печән базары”  дигән театральләштерелгән тамаша күрсәтттеләр,  Г.Тукайның шигырьләрен сөйләделәр, аның сүзләренә язылган җырларны башкардылар. Бәйрәмдә мәгариф идарәсе начальнигы Р.Т.Демидов, мәгариф идарәсе урынбасары Л.М.Харисова,  мәгариф идарәсенең милли мәгариф буенча методисты Н.Ә.Шәймарданова, шагыйрь, А.Алиш, С.Сөләйманова исемендәге бүләкләр иясе, халык мәгарифе отличнигы, Татарстанның атказанган укытучысы, Мөслим районының мактаулы гражданины Мөҗәһит  Әхмәтҗанов, Г.Тукай исемендәге Дәүләт бүләге иясе, Халык язучысы, Мөслим районының мактаулы гражданины,  язучы-прозаик һәм драматург Фоат Садриев, Татарстан Язучылар берлеге әгъзасы, язучы, С.Сөләйманова исемендәге премия иясе,  РСФСРның халык мәгарифе отличнигы Роза Хәбибуллина, Татарстанның атказанган укытучысы Роза Низамова катнашты.

Габдулла Тукайның 130 еллык юбилее, яшь буынга рухи-әхлакый тәрбия бирүдә әдипнең тормыш юлын өйрәнүне һәм иҗатын пропагандалау максатыннан, Татарстан Республикасы Мәгариф һәм фән министрлыгы, Г.Тукай әдәби музее, Арча муниципаль районы  мәгариф идарәсе тарафыннан укытучылар өчен  Республикакүләм Габдулла Тукай укулары үткәрелде.  Читать далее →

15 нче апрель көнне Күбәк урта мәктәбенең 11 нче сыйныф укучысы Алисә Гарипова Әлмәт дәүләт муниципаль хезмәт институты оешуга  20 ел тулу уңае белән уздырылган “Мәгариф киңлегендә заманча технологияләр” дип исемләнгән Россиякүләм  фәнни-практик конференциядә катнашты. Әлеге конференция кысаларында   “Г.Тукай иҗатына багышланган иң яхшы  фәнни-тикшеренү эше”  республика конкурсы җиңүчеләрен дә бүләкләү тантанасы үтте. Алисә әлеге конкурска “Г.Тукай иҗатында тәрбия темасы”  исемле фәнни-тикшеренү эше тәкъдим итте һәм II дәрәҗә лауреат дипломына лаек булды.  Шулай ук Татарстан Язучылар берлегенең Әлмәт бүлегенә караган сигез фронтовик язучы иҗаты тупланган “Соңгы һөҗүм” китабы белән бүләкләнде. Алисәнең җитәкчесе татар теле һәм әдәбияты укытучысы Г.Л.Нәҗмиева.