V Бөтендөнья татар хатын-кызлары форумы

 

1361_89652913-15 апрель көннәрендә Казанда V Бөтендөнья татар хатын-кызлары форумы үтте. Анда Татарстан районнарыннан, Россиянең 67 төбәгеннән, ерак һәм якын 15 чит илдән 400 ләп делегат катнашты.Безнең районның делегаты булып  форумда “Ак калфак” Бөтендөнья татар хатын-кызлар иҗтимагый оешмасының Мөслим бүлеге җитәкчесе, татар теле һәм әдәбияты укытучыларының район методик берләшмә җитәкчесе Тимергалиева Эльмира Васыйл кызы  катнашты. Бөтендәнья Татар конгрессы һәм «Ак калфак» татар хатын-кызлары оешмасы тарафыннан үткәрелә торган форумның девизы — «Хатыннарның бүгенге көнге беренче вазыйфалары — Ана телен саклау» иде. Пленар утырышта Татарстан Дәүләт Советы Рәисе урынбасары Римма Ратникова катнашты. Делегатларга ул Татарстан Президенты Рөстәм Миңнехановның сәламен җиткерде.

IV республикакүләм “Фоат Садриев укулары

 

1361_88074428 нче март көнне Мөслим районы мәгариф идарәсе планы һәм нигезләмәсе нигезендә чираттагы IV республикакүләм “Фоат Садриев укулары” узды. Укуларның макстаы: Мөслим төбәге әдипләре, күренекле шәхесләрнең иҗатын өйрәнү һәм пропагандалау иде. Әлеге укуларда “ТАТМЕДИА” ачык акционерлык җәмгыяте филиалы “Мәгариф” журналы һәм Татарстан Республикасы Язучылар Союзы белән берлектә үткәрелде. Бәйрәмдә “Мәгариф” журналының баш мөхәррир урынбасары Ришат Каюмов, бүлек мөхәррире Мидхәт Садыйков, Татарстан Республикасы Язучылар берлеге әгъзалары Фоат Садриев, Мөҗәһит Әхмәтҗанов, Роза Хәбибуллина, Л.Садриева, Факил Сафин (Чаллы), Әлфия Ситдыйкова (Чаллы), Әсгать Сәләхов (Әлмәт), Миңзифа Әхмәтшина (Әлмәт), Илдус Гыйләҗев (Азнакай), Чаллы дәүләт педагогия университеты профессоры Әнвәр Шәрипов, КФУ Алабуга институты доценты Фәридә Габидуллина һәм башкалар катнашты.

Укуларда республиканың төрле районнарыннан килгән 58 укучы, 22 укытучы, 6 секциягә бүленеп, үзләренең фәнни эшләрен, презентацияләрен тәкъдим иттеләр. Җиңүчеләргә һәм барлык катнашучыларга “Мәгариф” журналы әзерләгән дипломнар, кыйммәтле бүләкләр, сертификатлар тапшырылды.

Әбрар Каримуллин исемендәге республикакүләм фәнни-гамәли конференциядә

 

1361_87918424 нче март көнне  ТРсы Байлар Сабасы муниципаль районында Әбрар Каримуллин исемендәге республикакүләм фәнни-гамәли конференциядә Баек төп гомуми белем бирү мәктәбенең 9 нчы сыйныф укучысы Данил Садриев, “Татар филологиясе” секциясендә уңышлы чыгыш ясап, III Дәрәҗәдәге Җиңүче Дипломына ия булды (фәнни җитәкчесе — татар теле һәм әдәбияты укытучысы Г.М.Садриева). “Педагогик эзләнү” секциясендә Тат. Шуран төп гомуми белем бирү мәктәбенең татар теле һәм әдәбияты укытучысы Венера Шаева I дәрәҗәдәге Җиңүче Дипломына лаек булды.

Туфан Миңнуллин исемендәге республикакүләм конференциясендә

 

1361_87921924 нче март көнне Казан шәһәре Фатиха Аитова исемендәге 12 нче кызлар гимназиясендә Туфан Миңнуллин исемендәге республикакүләм конференция узды. Конференциядә Мөслим гимназиясенең 8 нче сыйныф укучылары Алинә Ханнанова, Алинә Хәертдинова катнашты. Кызлар уңышлы чыгыш ясадылар. Алинә Ханнанова II Дәрәҗә дипломга, Алинә Хәертдинова исә лауреат исеменә лаек булды. Кызларның фәнни җитәкчесе З.Н.Шәнгәрәева.

К.Булатова исемендәге премия

 

1361_871919Әлмәт дәүләт муниципаль хезмәт институты инициативасы белән алтынчы ел шагыйрә Г.Тукай исемендәге дәүләт бүләге иясе К.Булатова исемендәге премия тапшыру тантанасы уздырылда. 17 нче март көнне узган конкурс гомуми урта белем бирү мәктәпләре, лицей, гимназия укучылары, югары уку йортлары студентлары арасында  уздырылды. Катнашучылар “Әдәби иҗат” һәм “Фәнни эш” юнәлешләре буенча көч сынашты.

Клара Булатованың Туган як гимнына әверелгән “Шушы яктан, шушы туфрактан без” дип аталган җыры белән башланып киткән тантанада шагыйрә үзе чыгыш ясады, аның шигырьләре укылды, иҗатына багышланган фәнни эшләр, яшь каләм тибрәтүчеләрнең иҗади эшләре тыңланылды.

Әлеге конкурста Мөслим муниципаль районы  мәктәпләрендә укучы балалар бик теләп катнаштылар.

Мөслим гимназиясе I дәрәҗә Диплом һәм премия белән бүләкләнде. “Былбыл” иҗат берләшмәсе җитәкче Эльмира Тимергалиева конкурска 6 ел рәттән җиңүчеләр әзерләгән өчен Рәхмәт хаты белән бүләкләнде.

Шәхси нәтиҗәләрдә Мөслим гимназиясенең 6, 8 нче сыйныф укучылары Диләрә Нуриева, Алинә Хәертдинова “Әдәби иҗат” номинациясендә III дәрәҗә Диплом һәм премияләргә ия булдылар (фәнни җитәкчеләре Зөлфирә Шәнгәрәева, Эльмира Тимергалиева).  Мөслим гимназиясе укучылары Илүзә Кашапова, Шамил Миннегалиев, Лиана Хәбибуллина, Алия Солтанова, И.Харисова конкурсның лауреатлары булды.  Тойгелде, Әмәкәй төп гомуми белем мәктәбе укучылары Зөһрә Минһаҗева, Илүзә Биктаһирова, Айрат Шамс, Наилә Холбутаева катнашучы Дипломнары һәм истәлекле бүләкләр алдылар (укытучылары Рушания Дәүләтова, Резеда Шамсова). Шундый ук диплом һәм буләк ияләре — гимназия укучылары: Зөлфәт Әхмәтҗанов, Сөмбел Галиева, Зөһрә Закирова, Айзат Шәмсетдинов, Сабина Идиатуллина, Айзирәк Исламова, Шөһрәт Мирзамуратов, И.Хафизова, А.Зарипов. (укытучылары Гөлназ Мирзасалихова, Маргарита Идиатуллина, Гөлшат Солтанова, Гөлчәчәк Исмәгыйлова, Зилә Авзалова, Гөлшат Мирзамуратова).

«Дулкыннар» республика бәйгесендә

 

1361_871929Татарстан Республикасы яшьләр эшләре һәм спорт министрлыгы Татар федераль милли-мәдәни автономиясе “Идел” яшьләр үзәге оештырган Татарстанның халык шагыйре Разил Вәлиевнең тууына 70 яшь тулуга багышланган «Дулкыннар» республика бәйгесендә “Нәфис сүз” номинациясендә Мөслим муниципаль районы Әмәкәй төп гомуми белем бирү мәктәбенең 6 нчы сыйныф укучысы Айрат Шамс махсус бүләк Диплом белән бүләкләнде (җитәкчесе татар теле һәм әдәбияты укытучысы Резеда Шамсова).

“Туган телем – серле тел”

 

1361_871961Татарстан Республикасы Түбән Кама шәһәре И.Х.Садыйков исемендәге “Балалар һәм яшьләр иҗат сарае” үткәргән IV республикакүләм “Туган телем – серле тел” шигырь сөйләүчеләр конкурсының “Туган тел” номинациясендә Мөслим муниципаль районы Әмәкәй төп гомуми белем бирү мәктәбенең 6 нчы сыйныф укучысы Айрат Шамс III дәрәҗә Диплом иясе булды (җитәкчесе: татар теле һәм әдәбияты укытучысы Резеда Шамсова).